Ko‘mir yetkazib berish elektron platforma orqali amalga oshirilmoqda
Nashr qilingan sana: 11.12.2024 07:05:17
10-dekabr kuni OKAda o‘tkazilgan brifingda "O‘zbekko‘mir" AJ axborot xizmati rahbari Ne’mat Dushayev aholini va ijtimoiy soha ob’ektlarini ko‘mir bilan ta’minlash bo‘yicha amalga oshirilayotgan ishlar haqida ma’lumot berdi.
Unda ta’kidlanishicha, respublikamizda energiya resurslariga talab yildan-yilga ortib bormoqda. Ushbu talabni qondirishda elektr energiyasi va tabiiy gazdan tashqari, ko‘mirdan foydalanish ham muhim ahamiyatga ega.
O‘zbekiston ko‘mir zahiralariga boy bo‘lib, asosiy yoqilg‘i manbalari Surxondaryo viloyatidagi Sharg‘un, Boysun hamda Toshkent viloyatidagi Angren ko‘mir havzalaridir.
– “O‘zbekko‘mir” AJ joriy yilning o‘n bir oyida 6,3 million tonna ko‘mir qazib olib, yillik rejani muddatidan avval bajardi. Shu davrda qazib olish rejasi “Angren ko‘mir kon”da 111,3 foizga, shaxta usulida ko‘mir qazib olishda 112,1 foizga, “Apartak kon”da esa 114,2 foizga uddalandi. Yanvar-noyabr oylari davomida iste’molchilarga 5,3 million tonna ko‘mir yetkazib berildi. Shu jumladan, 3,4 million tonnasi issiqlik elektr stansiyalariga, 624,8 ming tonnasi byudjet tashkilotlariga, 1,06 million tonnasi esa aholi ehtiyojlari uchun yuborildi. Birja savdolari orqali 185,6 ming tonna ko‘mir sotildi, – dedi N.Dushayev.
Tadbirda aholi va byudjet tashkilotlariga mo‘ljallangan ko‘mir “Ko‘mir ta’minot” MCHJning 90 ta hududiy ombori va 13 ta shoxobchasi orqali tarqatilayotgani ta’kidlandi. Unga ko‘ra, 1 dekabrga qadar byudjet tashkilotlariga 376,9 ming tonna, tadbirkorlik sub’ektlariga 231,1 ming tonna, aholiga esa 906,2 ming tonna ko‘mir yetkazilgan. Shu jumladan, olis qishloqlarga 75,2 ming tonna mahalliy ko‘mir yuborilgan.
E’tiborlisi, joriy mavsumdan aholiga ko‘mir yetkazib berish elektron platforma orqali amalga oshirilmoqda. Mahalliy hokimliklar tomonidan tasdiqlangan onlayn ro‘yxat asosida hududlardagi MFYlar orqali taqsimot yo‘lga qo‘yildi.
N.Ziyodullayeva, O‘zA
https://uza.uz/uz/posts/joriy-mavsumdan-aholiga-komir-etkazib-berish-elektron-platforma-orqali-amalga-oshirilmoqda_665947
Izohlar
Nurullayeva shahriyor
09.11.2025 12:51:41Urayimov
08.11.2025 14:45:50Urayimov
08.11.2025 14:43:36Parmanov Murodullo
27.10.2025 09:57:57Sobirov Sodiqjon
23.10.2025 21:30:44Bobojonov Javlonbek
20.10.2025 09:13:21Abdumajidova Muattar
10.08.2025 17:47:50Usmonova Muborak
14.07.2025 22:34:36Ibrohimov Farruxjon
21.06.2025 18:51:51Abdirasulov Sherbek Yarixanovich
14.12.2024 08:46:04Oxirgi yangiliklar:
EDO ijro tizimi bo‘yicha amaliy o‘quv seminari tashkil etildi
“O‘zbekko‘mir” aksiyadorlik jamiyati ijro apparati majlislar zalida EDO ijro tizimi bo‘yicha amaliy o‘quv seminari tashkil etildi Mazkur seminar Unicon Soft kompan...
O'qish
Korrupsiyaga qarshi kurash bo‘yicha navbatdagi tadbir o‘tkazildi
O‘zbekko‘mir AJ “Angren ko‘mir koni” filialida korrupsiyaga qarshi kurash mavzusida tadbir o‘tkazildi O‘zbekko‘mir AJ “Angren ko‘mir koni” filialida korrupsiyaga q...
O'qish
Brifing: “O‘zbekko‘mir” AJ'ning 2025-yil natijalari
“O‘zbekko‘mir” aksiyadorlik jamiyati tomonidan 2025-yilda jami 7,137 million tonna ko‘mir qazib olindi. Bu ko‘rsatkich 2024-yilga nisbatan 105,5% ni tashkil etdi. Bu haq...
O'qish
Aholi va qishloq xo‘jaligini ro‘yxatga olish jarayoni qizg‘in davom etmoqda
Aholi va qishloq xo‘jaligini ro‘yxatga olish tadbirlarida “O‘zbekko‘mir” AJ xodimlari ham faol ishtirok etmoqda. Xodimlar census.stat.uz sayti orqali ro‘yxatdan o‘tis...
O'qish