Kuzatuv kengashining yig‘ilishi o‘tkazildi
Nashr qilingan sana: 04.10.2024 04:19:563-oktabr kuni “O‘zbekko‘mir” aksiyadorlik jamiyati Kuzatuv kengashining navbatdagi yig‘ilishi o‘tkazildi.
Konferensiya O‘zbekiston Respublikasining “Aksiyadorlik jamiyatlari va aksiyadorlar huquqlarini himoya qilish to‘g‘risida”gi Qonunining 78-moddasiga muvofiq jamiyat kuzatuv kengashi a’zolari tashabbusi bilan chaqirildi.
Video-konferens-aloqa tarzida tashkil etilgan tadbirda “O‘zbekko‘mir” AJ Kuzatuv kengashi raisini saylash, Kuzatuv kengashining yillik ish rejasini tasdiqlash, jamiyat bosh direktorining 2024-yil 1-yarim yillik hisobotini ko‘rib chiqish va boshqa masalalar muhokama qilindi.
O‘zbekiston Respublikasi “Aksiyadorlik jamiyatlari va aksiyadorlarning huquqlarini himoya qilish to‘g‘risi”dagi Qonunining 77-moddasi hamda Jamiyat Ustavining 8.9-bandiga asosan Jamiyat kuzatuv kengashining raisi kuzatuv kengashi a’zolarining umumiy soniga nisbatan ko‘pchilik ovoz bilan, ushbu kengash tarkibidan kuzatuv kengashi a’zolari tomonidan saylanishi belgilab qo‘yilgan.
Yuqoridagilarga asoslangan holda kengash a’zolari tomonidan Jamiyat Kuzatuv kengashi raisi etib O‘zbekiston Respublikasi tog‘-kon sanoati va geologiya vaziri Islamov Bobur Farxodovich saylandi.
“O‘zbekko‘mir” AJ faoliyati bo‘yicha jamiyat kuzatuv kengashida ko‘rib chiqilishi lozim bo‘lgan masalalarni o‘z vaqtida sifatli tashkil etish maqsadida jamiyat Kuzatuv kengashining yillik ish rejasi tasdiqlandi.
Shundan so‘ng “O‘zbekko‘mir” AJ faoliyatining 2024-yil 1-yarim yillik yakunlari bo‘yicha bosh direktor V.V.Kuznesovning hisoboti ko‘rib chiqildi.
Hisobotda qayd etilganidek, 1-yarim yillikda kon ustini ochish ishlari 15 668,5 ming m3 rejalashtirilgan bo‘lib, amalda 11 498,6 ming m3 tashkil etdi va reja nisbatan 73,4 foizga, ko‘mir qazib chiqarish ishlari rejadagi 2 366,6 ming tonna o‘rniga amalda 2 374,4 ming tonna (100,3 %)ga, kaolin qazib olish 178,4 ming tonna (46,0 %)ga bajarilgan.
Muzokaralardan so‘ng, jamiyat bosh direktorining 2024-yil 1-yarim yil yakunlari bo‘yicha hisoboti ma’lumot uchun qabul qilindi.
Yig‘ilishda kun tartibidagi boshqa masalalar ham ko‘rib chiqildi va tegishli qarorlar qabul qilindi.
Yig‘ilishda jamiyat Kuzatuv kengashining mustaqil a’zosi, AQShlik mutaxassis Bart Lukarelli ishtirok etdi.
“O‘zbekko‘mir” AJ Axborot xizmati
Oxirgi yangiliklar:
O‘zbek tili: an’anadan taraqqiyot sari
Har yili 21-oktyabr mamlakatimizda O‘zbek tili bayrami kuni sifatida keng nishonlanadi. 1989-yilning aynan shu sanasida o‘zbek tiliga davlat tili maqomi berilgan. Ushbu t...
O'qish
Angren ko‘mir konida ona tiliga bag‘ishlangan tadbir o‘tkazildi
«O‘zbekko‘mir» AJ Angren ko‘mir koni filialida o‘zbek tiliga davlat tili maqomi berilgan kun munosabati bilan ma’naviy-ma’rifiy tadbir tashkil etildi. Tadbirda O‘zbeki...
O'qish
Iste’molchi: “Ko‘mirning sifati ham, narxi ham ma’qul, uyga yetkazib berish xizmati ham bor”
Kuz-qish mavsumi oldidan tabiiy gaz yetib bormagan hududlar aholisini ko‘mir bilan ta’minlash dolzarb masalalardan biri. Namangan viloyatida bu yo‘nalishda sakkiz naf...
O'qish
Operatsion samaradorlik va mehnat unumdorligini oshirish masalalari muhokama qilindi
Joriy yilning 14-sentabr “O‘zbekko‘mir” aksiyadorlik jamiyatida operatsion samaradorlik va mehnat unumdorligini oshirishga qaratilgan tashabbuslarni amalga oshirish y...
O'qish