“O‘zbekko‘mir” aksiyadorlik jamiyatida 2025-yilning yanvar-may oylari davomida jami 2 211,9 ming tonna ko‘mir qazib olindi, bu rejaga nisbatan 101,4% ni tashkil etib, 31,4 ming tonnaga ortiq bajarildi. Eng katta ulushni “Angren ko‘mir koni” filiali  egalladi ‒ 1 949,3 ming tonna (rejaga nisbatan 101,3%).

‒ “Apartak ko‘mir koni” filiali ‒ 237,4 ming tonna (102,3%), bu filial o‘tgan yilga nisbatan 269,5% o‘sishga erishdi.

‒ “Shaxta usulida ko‘mir qazib olish” ‒ 25,3 ming tonna, rejadan 103,4% ga yuqori.

Kon yuzasini ochish ishlari bo‘yicha jami ko‘rsatkich — 13 503,1 ming kub metr, rejaga nisbatan 81,2% bajarilgan. Ushbu vazifa “Angren ko‘mir koni” filiali bo‘yicha 80,6% ga, “Apartak ko‘mir koni” filiali” bo‘yicha 85,6% ni tashkil etdi. Kon yuzasini ochish ishlari hajmi o‘tgan yilning shu davriga nisbatan 157,2%ga teng bo‘ldi.

Ko‘mir ortib yuborish. Yanvar-may oylarida iste’molchilarga 2 476,1 ming tonna ko‘mir yuborildi. Bu o‘tgan yilning shu davriga nisbatan 119,1 foizni tashkil etadi.  

‒ Issiqlik elektrostansiyalariga — 1 761,9 ming tonna (104,2%)

‒ “Sirdaryo ko‘mir invest” MChJ orqali “TES” AJ uchun — 430,3 ming tonna (122,0%)

‒ Budjet tashkilotlariga – 107,6 ming tonna, bu rejaning 67,6% ni tashkil qiladi.

‒ Aholi ehtiyojlari uchun ‒ 151,7 ming tonna, o‘tgan yilning shu davriga nisbatan 183,1 foizga tengdir.

‒ Birja va to‘g‘ridan-to‘g‘ri shartnomalar orqali ‒ 23,9 ming tonna.

‒ Kaolin qazib olish: 233,8 ming tonna, rejaga nisbatan 69,8%.

‒ Kaolin yuklab yuborish: 172,3 ming tonna, rejaga nisbatan 51,4%.

“O‘zbekko‘mir” AJ 2025-yilning yanvar-may oylarida ko‘mir qazib olish bo‘yicha rejasi ortig‘i bilan bajarildi.

“O‘zbekko‘mir” AJ Axborot xizmati