“O‘zbekko‘mir” AJ bosh direktori V.V.Kuznetsovning tabrigi
Nashr qilingan sana: 16.05.2024 21:57:34Aziz konchilar va mehnat faxriylari!
Hurmatli hamkasblar!
Sizni dunyodagi eng mashaqqatli va sharafli kasblardan biri ‒O‘zbekiston konchilik va metallurgiya sanoati xodimlarining kasb bayrami bilan samimiy tabriklayman.
Konchilik Ona yer bag‘ridan insoniyatga in’om etilgan qazilma boyliklarni qahramonliklarga to‘la mehnati bilan qazib olib, elu yur uchun taqdim etadigan, iqtisodiyotni yuksaltirishga, xalq farovonligini oshirishga xizmat qiladigan sohadir. Siz o‘z hayoti va qizg‘in mehnat faoliyatini ushbu sohaga bag‘ishlagan va bag‘ishlab kelayotgan sharafli kasb egalarisiz. Biz o‘z ishingizga sadoqat bilan sidqidildan qilayotgan mehnatingizni yuksak qadrlaymiz. Ko‘mir qazib olish va iqtisodiyot tarmoqlariga o‘z vaqtida, sifatli yetkazib berish, O‘zbekistonda elektr energetikasi barqarorligini ta’minlashning muhim shartlaridan biridir. Bu boradagi ishlarning samaradorligi, shubhasiz Sizning mehnatingiz bilan chambarchas bog‘liqdir.
Hurmatli hamkasblar va do‘stlar!
O‘zbekiston konchilik va metallurgiya sanoati xodimlari kuni Angren shahri ahli uchun katta bayramlardan biridir. Zero, Angren tom ma’noda konchilar shahridir. Bu yerda o‘tgan 76 yil mobaynida minglab ajoyib konchilar va ularning sulolalari yetishib chiqdi. Bugungi kunda ana shu sulolalar vakillari bo‘lgan Siz aziz konchilar otalar boshlab bergan konchilik an’aanalarini izchil va sharaf bilan davom ettirmoqdasiz.
Barchangizni kasb bayramingiz bilan yana bir bor samimiy tabriklayman.
Sizga sihat-salomatlik, oilangizga baxt, mashaqqatli va sharafli ishlaringizda hamisha omad tilayman.
Kasb bayramingiz muborak bo‘lsin!
Oxirgi yangiliklar:
O‘zbek tili: an’anadan taraqqiyot sari
Har yili 21-oktyabr mamlakatimizda O‘zbek tili bayrami kuni sifatida keng nishonlanadi. 1989-yilning aynan shu sanasida o‘zbek tiliga davlat tili maqomi berilgan. Ushbu t...
O'qish
Angren ko‘mir konida ona tiliga bag‘ishlangan tadbir o‘tkazildi
«O‘zbekko‘mir» AJ Angren ko‘mir koni filialida o‘zbek tiliga davlat tili maqomi berilgan kun munosabati bilan ma’naviy-ma’rifiy tadbir tashkil etildi. Tadbirda O‘zbeki...
O'qish
Iste’molchi: “Ko‘mirning sifati ham, narxi ham ma’qul, uyga yetkazib berish xizmati ham bor”
Kuz-qish mavsumi oldidan tabiiy gaz yetib bormagan hududlar aholisini ko‘mir bilan ta’minlash dolzarb masalalardan biri. Namangan viloyatida bu yo‘nalishda sakkiz naf...
O'qish
Operatsion samaradorlik va mehnat unumdorligini oshirish masalalari muhokama qilindi
Joriy yilning 14-sentabr “O‘zbekko‘mir” aksiyadorlik jamiyatida operatsion samaradorlik va mehnat unumdorligini oshirishga qaratilgan tashabbuslarni amalga oshirish y...
O'qish