Bahodir Nasibaliev “O‘zbekko‘mir” aksiyadorlik jamiyatiga qarashli “Qurilish-montaj ishlari” filialida qurilish industriyasi bo‘limi boshlig‘i lavozimida faoliyat yuritmoqda. U va uning hamkasblari Jamiyatda e’lon qilingan “Juma ‒ milliy liboslar kuni” chellenjida ishtirok etib, o‘zbekona kiyimlarimiz va do‘ppilarimizni faol targ‘ib qilmoqdalar.

Milliy liboslarimiz o‘zining o‘ziga xosligi bilan ajralib turadi: chevarlarimiz tomonidan atlas va adrasdan tikilgan kiyimlar, zargarona to‘qilgan do‘ppilar ko‘zni quvnatadi. Ushbu liboslar milliy qadriyatlarimizni mujassam etgani bilan e’tiborni jalb etadi.

Do‘ppilarimiz haqida gapirsak, “do‘ppi” so‘zi turkiycha “yuqori” va “tepa”ni ishora qiluvchi “tube” so‘zidan olingan. Shuning uchun do‘ppini ruslar “tubeteyka” deb ataydilar, bu “tepa” so‘zidan “telpak” so‘zi kelib chiqqan.

Ma’lumotlarga ko‘ra, erkak va ayollarga, bolalar, yoshlar va yoshi ulug‘larga mo‘ljallangan do‘ppilarning 200 dan ortiq turi mavjud. Ularda viloyatlarimizning o‘ziga xos tabiati, ayollarimizning nafis qalbi, latofati, orzu-umidlari ifodalanadi: Chust do‘ppi, Marg‘ilon do‘ppi, iroqi, gilam do‘ppi, Samarqand do‘ppi, Andijon do‘ppi, chakma to‘r, qizil gul, Toshkent do‘ppi, chiptado‘zi, guldirama, Boysun do‘ppi, Baxmal do‘ppi, Qo‘qon do‘ppi, zardo‘ppi, quloh, toqqi, qalampir nusxa, aroqchin, chor guli, yotoq do‘ppi, taroq do‘ppi, chol do‘ppi ва бошқалар.

       Siz bu ro‘yxatni davom ettirishingiz mumkin.