Ёлғон ахборот тарқатишдан ким манфаатдор
Nashr qilingan sana: 11.11.2022 09:58:24Кеча, 10 ноябрь куни эрталаб “Ўзбеккўмир” АЖнинг телеграмдаги ботига Хоразм вилояти Боғот туманидаги кўмир омборида аҳолига мўлжалланган ёқилғи маҳсулотига тупроқ қўшиб сотилаётгани айтилган видеолавҳа келиб тушди.
Аҳолига кўмирнинг тупроқ аралаштириб сотилиши, устига-устак ушбу ҳолат куппа-кундузи, одамлар кўз ўнгида содир этилиши ақлга сиғмайди, албатта.
“Ўзбеккўмир” АЖ ахборот хизмати видеолавҳани жўнатган муаллиф билан боғланиб, тасвирдаги кўмир омбори манзилини аниқлади ва ҳолат тезкор ўрганилиши, далиллар тасдиқланса, айбдорларга нисбатан кескин чоралар кўрилиши ҳақида хабар юборилди.
Аммо, кечга яқин, ўрганиш жараёни ҳали ниҳоясига етмай туриб, ушбу танқидий видеолавҳа ижтимоий тармоқда эълон қилиб юборилди. Ана халос!
Видеолавҳа муаллифининг мақсади нима, аҳолининг қиш мавсумини қийналмай ўтказишга кўмаклашишми ё кўмир таъминотчилари билан истеъмолчилар ўртасида сунъий зиддият келтириб чиқариб, сохта обрў орттиришми?
Афсуски, ўрганиш натижаларига кўра, видеолавҳадаги далиллар тасдиғини топмади.
Лавҳа тасвирга олинган 1 ноябрь куни автомашиналар навбатсиз киришининг олдини олиш мақсадида кўмир омборининг иккинчи йўлагида техника орқали тупроқ уюми билан тўсиқ қўйиш ишлари бажарилган. Ўша пайтда, яъни кеч соат 17:00 лар атрофида кўмир омборига келган Боғот тумани Боғзор туманида яшовчи фуқаролар - У.Абдиримов ва М.Пирназаров омборга яқинлашган пайтда бульдозер техникаси тупроқ сураётганига кўзлари тушиб, ушбу тупроқ омборда уюлиб турган кўмирга қўшиб юборилаётганида гумон қилишган ва ҳолатни тасвирга туширишган.
Видеолавҳа 9 ноябрь куни маҳаллий телеграм гуруҳига жойлаштирилиб, аҳоли ўртасида кўмир омбори тўғрисида салбий муносабат шаклланишини келтириб чиқарган. (https://t.me/Kompromatuzb/5489?single)Kompromatuzb телеграм канали эса ушбу видеолавҳадаги ҳолатнинг ҳақиқатга нечоғлик мос келишини ўрганмай, шошма-шошарлик билан кенг оммага эълон қилиб юборган.
Айни пайтда ёлғон видеоахборот тарқатганлик ҳолати бўйича ҳуқуқни муҳофаза қилиш идоралари томонидан терговга қадар суриштирув ишлари олиб борилмоқда.
“Ўзбеккўмир” АЖ Ахборот хизмати
Oxirgi yangiliklar:
Vazirlik va idoralar o‘rtasida oʻtkazilgan Mustaqillik kubogida "Oʻzbekkoʻmir" AJ jamoasi yoshlari gʻoliblar safidan oʻrin egalladi
Oʻzbekiston Respublikasi mustaqilligining 35 yilligi munosabati bilan vazirlik va idoralar oʻrtasida Mustaqillik kubogi tashkil etildi. Unda turli tashkilotlar xodimla...
O'qish
Ertalabki badantarbiya – tetiklik va yaxshi kayfiyat garovi
Ertalabki badantarbiya bilan boshlangan ish kuni insonga kun davomida tetiklik va yaxshi kayfiyat bag‘ishlaydi. “O‘zbekko‘mir” AJda bugun, juma kuni ham ish kuni ana shun...
O'qish
Ko‘mir sohasida bozor mexanizmlari: dolzarb savollarga tezkor javoblar
2026-yil 26-avgust kuni “O‘zbekko‘mir” AJ tomonidan O‘zMTRK “Toshkent” telekanali studiyasida “O‘zbekko‘mir” AJning 2026-yil I-yarim yillik yakunlari va ko‘mir sohasida b...
O'qish
Yangi o‘quv yili – yangi orzu va maqsadlar sari
Bugun yurtimiz maktablarida quvonchli ayyom – yangi o‘quv yili boshlandi. Yangi 2026/2027-o‘quv yilining ilk kuni mamlakatimizdagi barcha ta’lim muassasalarida Bi...
O'qish