“O‘zbekko‘mir” aksiyadorlik jamiyatida Xitoy Xalq Respublikasining “China Coal Resources Development Co. Ltd.” kompaniyasi boshqaruv raisi Lyu Gosheng boshchiligidagi delegatsiya a’zolari bilan uchrashuv bo‘lib o‘tdi.

“Angren ko‘mir koni” filialining maraziy dispetcherlik marazi faollari zalida tashkil etilgan tadirda delegatsiya vakillariga Jamyatda ishlab chiqarishning bugungi holati, qo‘llanilayotgan texnika va texnologiyalar, qazib olish jarayonlari, ustki qismni ochish ishlari hamda iste’molchilarga ko‘mir yetkazib berish tartibi haqida batafsil ma’lumotlar berildi.

Delegatsiya a’zolari “Angren” ko‘mir koni faoliyati bilan ham anishdilar. Ular kuzatish ayvonchasida ko‘mir qatlamining qalinligi, ustki qismni ochishga mo‘ljallangan hudud, yo‘ldosh tog‘ jinslari va ularning zaxiralari, kon maydonining uzunligi va kengligi, texnologik transportlar hamda ichki va tashqi otvallar holati haqida ma’lumotga ega bo‘ldilar.

Uchrashuv chog‘ida Lyu Goshen O‘zbekiston kon sanoati bilan hamkorlik qilib kelayotganidan minnatdorligini bildirib, shu kunga qadar uch marotaba delegatsiya yuborilgani va har safar samimiy munosabatda kutib olinganini ta’kidladi. Uning aytishicha, kompaniya Xitoyda konchilik sohasida katta tajriba va malakaga ega yirik korxonalardan biri hisoblanadi. Korxona tarkibida uchta ochiq va uchta yer osti usulida ko‘mir qazib oluvchi korxonalar mavjud bo‘lib, ular aralash usulda (kombinirovannaya sistema) ishlaydi. Yillik qazib olish hajmi 80 million tonnaga yaqinni tashkil etadi.

Shuningdek, kompaniya ko‘mirni quruq usulda boyitish texnologiyalarini rivojlantirish bo‘yicha 10 yildan ortiq tajribaga egaligi, Xitoyda mazkur uskunalar ommaviy joriy etilayotgani ma’lum qilindi. Delegatsiya Jamiyat ichki omborlarda yig‘ilgan kulchanligi yuqori ko‘mirlarni quruq usulda boyitib iste’molchilarga yetkazib berish bo‘yicha taklif ham bildirdi.

Uchrashuv yakunida kelgusida ikki tomonlama hamkorlikni rivojlantirish, konlardagi muammolarni birgalikda hal etish va o‘zaro tajriba almashish bo‘yicha kelishuvga erishildi.

Uchrashuvda “O‘zbekko‘mir” AJ bosh direktorinningbirinchi o‘rinbosari O. Yahyoev ishtirok etdi.

Ma’lumot uchun, “China Coal Resources Development Co. Ltd.” – Xitoyning yirik ko‘mir sanoati kompaniyalaridan biri bo‘lib, asosiy faoliyati ko‘mir qazib olish, qayta ishlash va konchilik sohasida zamonaviy texnologiyalarni joriy etishdan iborat. Kompaniya tarkibida ochiq va yer osti usulida ishlaydigan qator konlar mavjud bo‘lib, yillik qazib olish quvvati 80 mln tonnadan ortiqni tashkil etadi. Korxona xalqaro hamkorlik, innovatsion texnologiyalar va ekologik barqaror ishlab chiqarishni qo‘llab-quvvatlab keladi.

Qutlug‘ Teshaboev,

“O‘zbekko‘mir” AJ Tashqi iqtisodiy aloqalar va investitsiya boshqarmasi boshlig‘i